«Манчестер Юнайтед» ва Англия миллий жамоасининг собиқ ҳужумчиси Уэйн Руни «Манчестер Сити»дан 2011/12 йилги АПЛ мавсуми чемпионлик унвони олиб қўйилиши мумкинлиги ҳақидаги хабарларга муносабат билдирди.
«Шахсан, биз бунга лойиқ бўлганмиз, деб ўйламайман. Ўша мавсумда чемпионликни қўлга киритиш учун етарлича иш қилмадик. Эсимда, мавсум тугашига тўрт ёки бешта тур қолганида рақиблардан олти ёки етти очко олдинда эдик, аммо ғалабани қўлдан чиқардик.
Премер-лигадаги медалимни олганимга қанча вақт бўлганини ўйласам... Балки шундай бўлиши ва медалларни биздан олиб қўйишлари мумкин. Аммо мен бундай бўлишини истамайман, чунки ўша йили жамоа сифатида биз бунга лойиқ бўлганмиз, деб ҳисобламайман. Ахир биз биринчи ўринни эгалламаганмиз.
Мен қўлга киритган бешта чемпионликдан мамнунман. Бу медални истамайман. Фақат 15 йил ўтиб, «Сити» қоидабузарлик қилгани учун сенга чемпионлик медали беришларини хоҳламайман», — дея Рунининг сўзларини келтиради ESPN.
