Франциянинг «Пари Сен-Жермен,» Англиянинг «Манчестер Сити,» «Манчестер Юнайтед» ва «Арсенал» клублари «Порту»нинг ўнг қанот ҳимоячиси Алберту Кошта билан шартнома имзолашга қизиқиш билдирмоқда. Caught Offside нашрининг агентлик соҳасига яқин манбаларга таяниб хабар беришича, санаб ўтилган клублар 23 ёшли футболчи аторфидаги вазиятни фаол тарзда кузатиб бормоқда.
Манбага кўра, ҳозирча ҳимоячи трансфери борасида расмий таклифлар келиб тушмаган, эҳтимолий харидор клублар ҳали ўрганиш ва таҳлил қилиш босқичида. Костанинг «Порту» билан амалдаги шартномасида 65 миллион евролик товон пули бўйича банд мавжуд. Ушбу сумманинг 10 фоизи португалияликнинг собиқ клуби Туриннинг «Ювентус» жамоасига насиб қилади.
Маълум қилинишича, потенциал битимнинг мураккаблиги Коштанинг ҳозирги клуби билан шартномаси муддати билан боғлиқ. Ҳимоячи ўтган ёзда «Ювентус»дан 15 миллион евро эвазига «Порту»га ўтган ва 2030 йилнинг июнигача шартнома имзолаган эди.
