Ўзбекистонлик енгил атлетикачи Барнохон Сайфуллаева Аичи-Нагоя-2026 Осиё ўйинларида олтин медални қўлга киритди. Бу ҳақда Ўзбекистон Республикаси Спорт вазирлиги матбуот хизмати хабар берди.
Бугун, 29 сентябр куни енгил атлетика бўйича Ўзбекистон миллий жамоаси аъзоси Барнохон Сайфуллаева делегациямизга навбатдаги олтин медални келтирди. Баландликка сакраш дастурида қатнашган юртдошимиз 1.90 метр натижа билан мусобақа чемпионлигини қўлга киритди.
Эслатиб ўтамиз, аввалроқ оғир атлетикачимиз Акбар Жўраев Осиё ўйинларида олтин медални қўлга киритгани маълум қилинганди.
Куни кеча бошқа бир аёл спортчимиз, кураш бўйича Ўзбекистон миллий жамоаси аъзоси Ибодатхон Агожонова делегациямизга тўққизинчи олтин медални тақдим этганди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади