Ўзбекистонлик оғир атлетикачи Акбар Жўраев Аичи-Нагоя-2026 Осиё ўйинларида олтин медални қўлга киритди. Бу ҳақда Ўзбекистон Республикаси Спорт вазирлиги матбуот хизмати хабар берди.
Ҳамюртимиз икки машқ якунига кўра жами 423 килограмм натижа қайд этиб, ўз вазн тоифасида мутлақ ғолибликка эришди. Шу тариқа, Акбар Жўраев Ўзбекистон делегацияси ҳисобига навбатдаги олтин медални қўшиб қўйди.
Спортчимиз мусобақа давомида нафақат чемпионликни қўлга киритди, балки бир қатор рекордларни ҳам янгилашга муваффақ бўлди. Жумладан, Акбар Жўраев даст кўтариш машқида 197 килограмм натижа билан янги жаҳон рекордини ўрнатди.
Шунингдек, ўзбекистонлик оғир атлетикачи даст кўтариш ва силтаб кўтариш дастурларида Осиё рекордларини ҳам янгилади. Натижада Жўраев Аичи-Нагоя-2026 Осиё ўйинларидаги иштирокини олтин медал ва бир қатор рекордлар билан якунлади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади