Gukesh Dommaraju va Javohir Sindarov o‘rtasidagi 2026-yilgi Jahon chempionati matchi oldidan grossmeysterlar, shaxmat vakillari va kontent yaratuvchilarning 18 ta fikri jamlandi, deb xabar beradi UzChess.
Ularning tasnifiga ko‘ra:
⚫️ 10 kishi — Javohir Sindorovni favorit deb biladi
⚫️ 6 kishi — imkoniyatlarni deyarli teng deb baholaydi
⚫️ 2 kishi esa Gukeshni ustun ko‘radi
Magnus Karlsen Sindarov g‘alaba qozonishini kutayotganini aytib, uning o‘yinini har tomonlama mukammalroq deb baholagan.
Yan Nepomnyashchiy imkoniyatlarni 65:35, Vladislav Artemyev esa 60:40 nisbatida O‘zbekiston vakili foydasiga baholagan.
,
Hikaru Nakamura esa Gukeshni tanlagan. Uning fikricha, hindistonlik amaldagi jahon chempioni bosimni yenga olsa, ko‘pchilik kutmagan natijani ko‘rsatishi mumkin.
Gukesh va Sindarov o‘rtasidagi Jahon toji uchun match 22-noyabrdan 12-dekabrgacha Jenevada bo‘lib o‘tadi. Birinchi klassik partiya 24-noyabrga belgilangan.
Muxlislar bu yangilikni Telegram’da muhokama qilmoqda
Izohlar Telegram’da ochiladi