Бугун, 1 октябр куни Миллатлар Лигаси гуруҳ босқич 3-туридан ўрин олган Дания — Португалия учрашуви бўлиб ўтади.
Беллашув Копенҳагендаги «Паркен» стадионида ўтказилади. Учрашувни украиналик ҳакам Николай Балакин бошқариб боради. Баҳс Тошкент вақти билан соат 23:45 да бошланади.
Дания — Ҳермансен, Кристенсен, Андерсен, Нилсон, Меле, Юлманн, Ҳойберг, Дамсгор, Дарами, Ҳойлунд, Дагим.
Португалия — Кошта, Канселу, Диаш, Вейга, Мендеш, Витиня, Фернандеш, Нету, Невеш, Рамуш, Леау.
Гуруҳда ўтказилган дастлабки икки турдан кейин Португалия 6 очко жамғариб, турнир жадвалида пешқадамлик қилмоқда. Дания эса 3 очко билан учинчи поғонадан жой олган.
Маълумот ўрнида, Португалия Миллатлар Лигасининг амалдаги ғолиби ҳисобланади. Жамоа ўтган мавсум финалида Испания билан асосий вақтда 2:2 ҳисобида дуранг ўйнаб, пеналтилар сериясида 5:3 ҳисобида ғалаба қозонган.
Португалия мусобақа тарихида икки марта бош совринни қўлга киритган. Аввалроқ Криштиану Роналду Португалия йиғинини тарк этгани маълум қилинганди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади