«Интер Майами» ва Аргентина миллий жамоаси ҳужумчиси Лионел Месси 2026 йил якунланганидан сўнг профессионал футболчилик фаолиятини тугатиши мумкин. Бу ҳақда Footyheadlines хабар берди.
39 ёшли аргентиналик футболчи йил охирида бутсаларини михга илиш вариантини жиддий кўриб чиқмоқда. Шу билан бирга, манба ҳозирча Мессининг бундай қарор қабул қилгани ҳақида 100 фоизлик тасдиқланган маълумот йўқлигини таъкидлаган.
Айни пайтда бу футболчи кўриб чиқаётган вариантлардан бири сифатида қайд этилмоқда. Шу сабаб унинг клуб миқёсидаги келажаги борасида якуний қарор ҳали эълон қилинмаган.
Маълумот ўрнида, Месси бугун, 28 сентябр куни MLS доирасида «Коламбус Крю»га қарши учрашув (1:2)да жарима зарбасидан гол уришга муваффақ бўлди.
Шунингдек, аргентиналик юлдуз миллий жамоадаги фаолиятини ҳам якунлаш арафасида. Месси 6 октябрдан 7 октябрга ўтар кечаси Аргентина миллий жамоаси сафида хайрлашув учрашувини ўтказади. «Кумушранг ўлка вакиллари»нинг ушбу баҳсдаги рақиби Бенин миллий жамоаси бўлади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади