Португалия миллий жамоаси яримҳимоячиси Бруну Фернандеш даниялик ҳужумчи Расмус Ҳойлунднинг Португалия дарвозасига урган голини Криштиану Роналду услубида нишонлагани ҳақида фикр билдирди.
Хойлунд Миллатлар Лигаси гуруҳ босқичи 3-туридан ўрин олган учрашувда Португалия дарвозасини ишғол қилди ва голни Роналдуга хос услубда нишонлади. Португалияликлар эса ушбу баҳсда 4:2 ҳисобида ғалаба қозонди.
«Мен унинг голни қандай нишонлаганини кўрдим. У бундай нишонлашни аллақачон кўп марта амалга оширган.
Биламанки, у Криштианунинг катта мухлиси. У Роналду майдонда бўлган пайтда ҳам бизга қарши ўйинда худди шундай нишонлаганди.
Эсимда, ўша пайтда у Криштиану хафа бўлмадимикан деб жуда хавотирланганди. Ҳойлунд ҳам Криштиануни кузатиб улғайган яна бир ёш футболчи. Португалия миллий жамоасидагиларнинг кўпчилиги ҳам худди шундай.
У Роналдуни жуда яхши кўради ва унинг қилаётган ишларига тақлид қилишга ҳаракат қилади. Келгуси 30, 50 ёки 60 йил давомида ҳам бу нишонлашни кўришимиз мумкин.
Роналду — ўзига хос шахс ва футбол афсонаси», — деди Фернандеш. Маълумот учун, Жорже Жезуш шогирдлари навбатдаги беллашувни Норвегияга қарши ўтказади.
Баҳс бугун, 4 октябр куни Тошкент вақти билан соат 23:45 да старт олади.
