Португалия миллий жамоаси сардори Бруну Фернандеш Миллатлар лигаси 4-туридан ўрин олган Норвегияга қарши ўйин олдидан ҳужумчиси Криштиану Роналду атрофидаги вазият ҳақида фикр билдирди.
«Менга жамоадошларим билан гаплашиш шарт эмас. Бундай вазиятларни қандай ҳал қилишни барчамиз биламиз. Миллий жамоада футболчиларга алоқаси бўлмаган вазият юзага келди ва менимча, бизнинг асосий вазифамиз — майдонда натижа кўрсатиш.
Криштиану ҳақида гапирадиган бўлсам, мен у билан суҳбатлашдим ва айтганларимни яна бир бор такрорлашга тайёрман. Энг муҳими — нима бўлишидан қатъи назар, Криштиану Роналду Португалия миллий жамоаси, португал футболи ва мамлакатимизнинг абадий бош тимсоли бўлиб қолади. Бу нафақат Португалияда, балки бутун дунёда эришган ютуқларини ҳисобга олганда ҳам шундай.
У нафақат барча даврларнинг энг буюк футболчилари қаторида алоҳида ўрин эгаллайди, балки барча португалияликлар қалбида ҳам ўзгача мавқега эга. Энг муҳими — бу келишмовчиликларга барҳам бериш. Миллий жамоада ҳеч қандай гуруҳларга бўлиниш йўқ — биз бирдаммиз ва ташқи томондан бўлаётган шов-шувларга қарамай, шундай бўлиб қоламиз. Ҳар қандай оила ўз муаммоларини ёпиқ эшиклар ортида ҳал қилади. Менимча, миллий жамоа ҳам худди шундай йўл тутиши керак.
Энг муҳими, бу воқеа барча иштирокчилар учун яхши якунланиши керак. Биз муаммонинг ўзидан тўлиқ четдамиз, гарчи нима ҳақида гапираётганлари ва нималар кўрсатилаётганидан хабардор бўлсак ҳам. Биз бўш вақтларимизнинг кўп қисмини дам олиш хонасида карта ўйнаб ўтказамиз ва бу баҳслардан ўзимизни четда тутамиз.
Шу билан бирга, мамлакат аҳолисини бўлинмасликка ва бирор томонни танламасликка, балки вазиятдаги барча иштирокчиларга ҳурмат билан муносабатда бўлишга чақираман. Криш эса миллий жамоамизнинг бош иконаси бўлган ва шундай бўлиб қолади. У шахсий қарашлардан қатъи назар, барчанинг ҳурматига лойиқ» — дея Фернандешнинг сўзларидан келтиради A Bola нашри.
