«Тоттенҳэм» ва «Астон Вилла» жамоалари «Бавария» марказий ҳимоячиси Ким Мин Жэ учун қанча маблағ талаб қилиниши мумкинлигини билиб олди. Бу ҳақда Sports Mole хабар берди.
Манбага кўра, Мюнхен клуби кореялик 29 ёшли футболчи учун тахминан 35 миллион евро талаб қилиши мумкин. Инглиз клублари эса ҳимоядаги муаммоларини айнан у билан ҳал қилиши мумкин.
Бу мавсумда Мин Жэ жамоанинг асосий таркибидан жой олмаяпти. Клуб бош мураббийи Венсан Компани Жонатан Та ва Дайо Упамеканонинг кўпроқ афзал билмоқда.
Шунингдек, клуб унга муносиб ўринбоса топса, футболчи келаётган ёзги трансфер вақтида АПЛга йўл олиши мумкин.
Эслатиб ўтамиз, Мин Жэ 2023 йилда «Наполи»дан Мюнхен клуби сафига келиб қўшилган. Бу вақт давомида жамоа сафида 121 та учрашувда майдонга тушган.
Аввалроқ «Тоттенҳэм» яримҳимоячи Деян Кулусевскининг шартномасини узайтиришни режалаштираётгани хабар қилинганди.
