«Манчестер Юнайтед» ҳужумчиси Бенжамин Шешко «Ювентус» қизиқиш доирасига тушди. Бу ҳақда La Gazzetta dello Sport нашри хабар берди.
Манбага кўра, туринликлар словениялик 23 ёшли футболчини анчадан бери кузатиб келмоқда. Футболчи бу мавсумда «қизил иблислар»нинг асосий таркибидан жой олишда муаммоларга дуч келимоқда.
Агар Шешко билан вазият ўзгармаса, «зебралар» келаси йил ёзида ҳужумчини таркибига қўшиб олиш имкониятини кўриб чиқиши мумкин.
Ўз навбатида «Манчестер Юнайтед» ҳам Бенжамин билан хайрлашиш ҳақида ўйламаяпти.
Шешко бу мавсумда жамоа сафида 6 та учрашувда 2 та гол урди. Transfermarkt портали футболчининг бозор қийматини 75 миллион евро деб баҳоламоқда.
Маълумот учун, футболчи 2025 йилда «Лейпциг»дан инглиз клуби сафига келиб қўшилган. Унинг клуб билан амалдаги битими 2030 йилнинг ёзига қадар мўлжалланган.
Аввалроқ «Ювентус» саккиз нафар футболчини сотиб олишни режалаштираётгани хабар қилинганди.
