Туркиянинг «Трабзонспор» клуби ҳуқуқлари «Манчестер Юнайтед»га тегишли бўлган дарвозабон Андре Онанани доимий трансфер асосида жамоага олишдан манфаатдор. Бу ҳақда Turkiye нашри хабар берди.
Манбага кўра, клуб камерунлик 30 ёшли дарвозабонни «қизил иблислар»дан тўлиқ сотиб олишга қарор қилган. Айни вақтда африкалик футболчи «Трабзонспор»да ижара асосида ҳаракат қилмоқда.
Ўз навбатида «Манчестер Юнайтед» эса Онананинг трансферидан тахминан 10 миллион евро ишлаб олишни режалаштирмоқда.
Туркия клуби дарвозабонга беш йилга мўлжалланган узоқ муддатли шартнома таклиф қилишга тайёр. Шунингдек, у жамоада энг кўп маош олувчи футболчилардан бирига айланади.
Онанa бу мавсумда «Трабзонспор» сафида 8 та учрашувда иштирок этди ва бу баҳсларда 10 та гол ўтказиб юборди.
