«Комо» ва Франция миллий жамоаси яримҳимоячиси Лукас да Куня фаолиятини Англия Премер-лигасида давом эттириши мумкин. Бу ҳақда инсайдер Экрем Конур хабар берди.
Манбага кўра, франциялик 25 ёшли футболчига «Челси», «Ноттингҳэм Форест» ва «Борнмут» жамоалари жиддий қизиқиш билдирмоқда. Бу клублар футболчининг агентлар билан аллақачон музокарага киришиб, эҳтимолий трансфер масаласини муҳокама қилган. Бироқ келишувга унинг трансфер қиймати тўсиқ бўлиши мумкин.
Чунки «Комо» раҳбарияти яримҳимоячини сотиш орқали 50 миллион евро ишлаб олишни режалаштирган.
Лукаснинг клуб билан амалдаги шартномаси 2031 йил ёзига қадар мўлжалланган. Бу мавсумда футболчи Италия чемпионатида бешта ўйинда майдонга тушган.
Аввалроқ «Арсенал» клуби «Комо» яримҳимоячиси Нико Пасга қизиқиш билдираётгани хабар қилинганди.
