Туриннинг «Ювентус» клуби вингери Керим Алайбегович фаолиятини Англияда давом эттириши мумкин, бу ҳақда журналист Экрем Конур ижтимоий тармоқларда хабар бермоқда.
19 ёшли босниялик футболчининг трансферига Лондоннинг «Челси» клуби қизиқиш билдирмоқда. «Аристократлар» ёзги трансфер ойнасида Алайбеговични ўз сафига қўшиб олишга ҳаракат қилиб кўришлари мумкин. Ҳужумчининг актуал трансфер нархи 32 миллион еврога баҳоланмоқда. Унинг «Кекса синиора» билан амалдаги шартномаси 2031 йил июн ойи охиригача мўлжалланган.
Маълумот учун, Италия чемпионатининг янги мавсумида Алайбегович тўртта учрашувда майдонга тушиб, ҳозирча ҳеч қандай самарали ҳаракатлар амалга оширишга муваффақ бўлганича йўқ.
Эслатиб ўтамиз, А Серия 5-туридан кейин 10 очко жамғарган туринликлар 7-ўринда ва етакчи «Рома»дан бор йўғи 3 очкога ортда қолмоқда. Англияда эса «Челси» 5 та турда 7 очко жамғариб, 10-ўринни банд этиб турибди.
