Дарвозабон Норберто Нето ўзининг «Ювентус»га ўтиши борасида фикрлари билан ўртоқлашди. Аввал хабар қилинганидек, 37 ёшли футболчи эркин агент сифатида «кекса синора» сафига қўшилди ва ушбу мавсум охиригача туринликлар шарафини ҳимоя қилади.
«Яна бу футболкани кийиш - ўзгача туйғу. Мен қайтганимдан хурсандман ва жамоа билан бирга бу янги бобни яшашга тайёрман», - дея Нетонинг сўзларидан иқтибос келтиради «Ювентус» матбуот хизмати.
Маълумот учун, Нето 2015 йилдан 2017 йилгача «Ювентус» сафида ўйнаган. Икки мавсум давомида у 22 та ўйин ўтказган ва икки бор А Серия чемпионлиги, икки марта Италия кубоги ва Италия Суперкубогини қўлга киритди. Шунингдек, у «Валенсия», «Барселона», «Борнмут», «Арсенал» ҳамда «Ботафого» клубларида тўп тепган.
Эслатиб ўтамиз, Нето жароҳат олган Камил Грабаранинг ўрнига жамоага таклиф этилган.
