«Монако» марказий ҳужумчиси Фоларин Балогун фаолиятини Италияда давом эттириши мумкин. Журналист Экрем Конур маълумотига кўра, футболчига Турин шаҳрининг «Ювентус» клуби қизиқиш билдирмоқда.
Манбага кўра, туринликлар 25 ёшли ҳужумчини қишки трансфер ойнасида таркибга қўшиб олиш имкониятини кўриб чиқмоқда. Балогун ёзги трансфер ойнасида ҳам клубини алмаштиришга яқин бўлган. У «Эвертон»га 45 миллион евро эвазига ўтиши мумкин эди, бироқ томонлар келишувни якунлай олмаган.
Америкалик футболчи ушбу мавсумда Франция чемпионатида фақат бир баҳсда майдонга тушди ва унда самарали ҳаракат қайд этмади.
Эслатиб ўтамиз, Балогун 2026 йилги жаҳон чемпионатида 1/8 финал баҳси олдидан қизил карточкаси бекор қилингани билан боғлиқ можаро марказида қолган эди. Манбада бу қарор АҚШ президенти Доналд Трампнинг ФИФА раҳбари Жанни Инфантинога қўнғироғи ортидан қабул қилингани таъкидланган.
Маълумот учун, Балогун аввал «Арсенал» тизимида фаолият юритган ва 2023 йилда «Монако» сафига қўшилганди.
