«Ювентус» клуби келаси мавсум учун таркибни кучайтириш вариантларини ҳозирданоқ ишлаб чиқмоқда.
Football Italia La Gazzetta dello Sport хабар беришича, «зебралар» бир қатор тажрибали футболчиларни кузатмоқда.
Клуб шорт-листидан «Манчестер Сити» яримҳимоячиси Матео Ковачич, «Лейпциг»нинг чап қанот ҳимоячиси Давиде Раум ва «Милан» марказий ҳимоячиси Фикайо Томори ўрин олган.
Турин клуби шартномаси якунланиб, эркин агентга айланаётган ўйинчиларга кўпроқ эътибор қаратмоқда. Бунга жамоанинг Чемпионлар лигасига чиқа олмаганидан кейин юзага келган молиявий чекловлар ҳам сабаб бўлмоқда.
Шунингдек, жамоа бошқа позицияларни ҳам кучайтиришни режалаштирган. Бироқ яна кимларни кузатаётгани борасида маълумотлар йўқ.
Маълумот учун, «Ювентус» А Серия турнир жадвалида 10 очко билан 7-ўринда бормоқда.
