«Кристал Пэлас»нинг қанот ҳимоячиси Тайрик Митчелл фаолиятини Италияда давом эттириши мумкин. Бу ҳақда журналист Экрем Конур хабар берди.
Манбага кўра, 27 ёшли футболчининг хизматларига Турин шаҳрининг «Ювентус» клуби қизиқиш билдирмоқда. Томонлар ўртасидаги эҳтимолий трансфер январ ойида амалга ошиши мумкин. Қайд этилишича, келишув қиймати 23,3 миллион еврони ташкил қилиши эҳтимоли бор.
Бироқ Митчеллга Англия Премер-лигасининг бир нечта клублари ҳам қизиқиш билдирмоқда. Шу сабабли футболчининг келажаги борасида бир нечта вариант мавжуд.
Митчелл ушбу мавсумда «Кристал Пэлас» сафида барча турнирларда 6 та баҳсда майдонга тушиб, 2 та гол урди. Унинг клуб билан амалдаги шартномаси келаси ёзда якунига етади.
Эслатиб ўтамиз, Митчелл «Кристал Пэлас» таркибида қанот ҳимоячиси сифатида фаолият юритмоқда.
