«Барселона» ва Испания миллий жамоаси ҳужумчиси Ламин Ямал футбол майдонида нега қўрқмаслигини тушунтирди. Футболчи бу борада болаликдаги ҳаётий тажрибаси унга катта таъсир қилганини таъкидлади.
«Футболда қўрқув йўқ. Мен онам футбол ўйнашим учун қандай оғир меҳнат қилганини кўрганман. Отам эса кўчаларда юриб, мен овқат ейишим учун металл-терсак йиғганини кўрганман. Қўрқув нима эканини мана шу билади», — деди Ямал.
Футболчининг сўзларига кўра, ҳозирги ҳаёти унга яқинлари ҳақида қайғуриш ва керак бўлса, уларга ёрдам бериш имконини бермоқда.
«Агар ҳозир менинг ўғлим бўлса, унга ғамхўрлик қила оламан. Онам ёки отамга нимадир керак бўлса, уларга ёрдам бера оламан. Энди менда бундай қўрқув йўқ», — дея футболчининг сўзларини Тhe Guardian келтирди.
Маълумот учун, Ямал 2023 йилдан буён «Барселона» сафида ўйнамоқда. У клуб таркибида 159 та баҳсда 57 та гол уриб, 58 та голли узатмани амалга оширган. Унинг каталонияликлар билан шартномаси 2031 йилгача мўлжалланган.
