«Манчестер Сити»нинг бир нечта етакчи футболчиси молиявий қоидалар бузилгани ҳақидаги иш атрофидаги ноаниқлик сабаб клубдан кетиш имкониятини кўриб чиқмоқда. Бу ҳақда Тhe Touchlinе хабар берди.
Манбага кўра, жамоанинг айрим юлдузлари юз бераётган воқеалардан норози бўлиб, клубга нисбатан санкциялар қўлланилган тақдирда юзага келиши мумкин бўлган оқибатлардан тобора кўпроқ хавотирда.
Аввалроқ «Манчестер Сити» Англия Премер-лигасининг молиявий қоидаларини бузиш билан боғлиқ 115 та айбловнинг 114 таси бўйича айбдор деб топилгани ҳақида хабарлар тарқалган эди.
Клуб эҳтимолий жазога қарши апелляция беришни режалаштирмоқда. Хабарларга кўра, эҳтимолий санкциялар қаторида жарима, очколарни олиб ташлаш ва АПЛдан четлатиш каби чоралар ҳам кўриб чиқилмоқда.
