«Барселона»нинг янги ҳужумчиси Карим Адейеми Каталония клубидаги дастлабки ойларидан мамнун эканини билдирди. Футболчи жамоага тўлиқ мослашиш учун ҳали вақт кераклигини таъкидлади.
«Ўзимни жуда яхши ҳис қиляпман. Ҳали ҳам барча масалалар тўлиқ ҳал бўлган деб ўйламайман. Мен ҳали тўлиқ мослашиб улгурганим йўқ. Ҳозир мен учун муҳим бўлган испан тилини ўрганишим керак», — деди Адейеми.
Футболчи янги жамоага бир ёки икки ой ичида тўлиқ мослашиб кетиш қийинлигини, бироқ «Барселона»даги ҳаётидан мамнун эканини қайд этди.
«Бир-икки ой ичида тўлиқ мослашиб кетиш, албатта, қийин. Аммо ўзимни жуда яхши ҳис қиляпман ва бу ерда узоқроқ қолиш имкониятини интиқлик билан кутяпман», — дея унинг сўзларини АS келтирди.
Эслатиб ўтамиз, Адейемининг аввалги клуби Дортмунднинг «Боруссия»си бўлган.
Маълумот учун, 2026/27 йилги мавсумда ҳужумчи «Барселона» сафида барча турнирларда 8 та баҳсда майдонга тушиб, 3 та гол урди ва 3 та голли узатмани амалга оширди.
