«Barselona»ning yangi hujumchisi Karim Adeyemi Kataloniya klubidagi dastlabki oylaridan mamnun ekanini bildirdi. Futbolchi jamoaga to‘liq moslashish uchun hali vaqt kerakligini ta’kidladi.
«O‘zimni juda yaxshi his qilyapman. Hali ham barcha masalalar to‘liq hal bo‘lgan deb o‘ylamayman. Men hali to‘liq moslashib ulgurganim yo‘q. Hozir men uchun muhim bo‘lgan ispan tilini o‘rganishim kerak», — dedi Adeyemi.
Futbolchi yangi jamoaga bir yoki ikki oy ichida to‘liq moslashib ketish qiyinligini, biroq «Barselona»dagi hayotidan mamnun ekanini qayd etdi.
«Bir-ikki oy ichida to‘liq moslashib ketish, albatta, qiyin. Ammo o‘zimni juda yaxshi his qilyapman va bu yerda uzoqroq qolish imkoniyatini intiqlik bilan kutyapman», — deya uning so‘zlarini AS keltirdi.
Eslatib o‘tamiz, Adeyemining avvalgi klubi Dortmundning «Borussiya»si bo‘lgan.
Ma’lumot uchun, 2026/27-yilgi mavsumda hujumchi «Barselona» safida barcha turnirlarda 8 ta bahsda maydonga tushib, 3 ta gol urdi va 3 ta golli uzatmani amalga oshirdi.
