«Реал» ҳимоячиси Эдер Милитао ва ҳужумчиси Родриго машғулотларда иштирок этишга рухсат олди. Бу ҳақда Мarca хабар берди.
Манбага кўра, «Реал» футболчиларининг бир қисми халқаро танаффус вақтида бир неча кун дам олади. Айрим футболчилар эса жисмоний ҳолатини яхшилаш учун машғулотларни давом эттиради. Милитао, Родриго ва Менди келаси ҳафта давомида махсус дастур асосида шуғулланиб, тикланиш жараёнини давом эттиради.
28 ёшли Милитао ушбу мавсумда ҳали бирор марта майдонга тушгани йўқ. «Реал» халқаро танаффусдан кейинги илк баҳсини 10 октабр куни «Вилярреал»га қарши ўтказади.
Эслатиб ўтамиз, «Реал» ва «Вилярреал» ўртасидаги Ла Лиганинг 8-тур баҳси 10 октабр куни Тошкент вақти билан 00:00 да бошланади.
