Германиялик мураббий Ҳанс-Дитер Флик ҳимоячи Алехандро Балде ўсишдан тўхтаб қолган, деб ҳисобламоқда ва бу ҳолатдан жуда норози. Айнан шу сабабли у клуб футболчи билан хайрлашишига қарши эмас.
«Барселона» қанот ҳимоячиси Алехандро Балде қишки трансфер ойнасида жамоани тарк этиши мумкин, деб хабар бермоқда Diario SPORT.
Манбага кўра, агар Балденинг ўйин вақти билан боғлиқ вазият ўзгармаса, футболчи январ ойида жамоани тарк этиши мумкин. «Барселона» ҳимоячини ижарага беришга тайёр, Шундай бўлган тақдирда, ҳимоячи кейинги йил якуний қарор қабул қилишдан олдин ўз формасини ва ўйин тонусини тиклаб олишини мақсад қилган.
Маълумот учун, янги мавсумда 22 ёшли Балде Испания чемпионатининг фақат битта ўйинида майдонга тушди ва самарали ҳаракатлар билан ажралиб тургани йўқ.
Эслатиб ўтамиз, иқтидорли, ёш испаниялик футболчининг «кўк-анорранглилар» билан амалдаги шартномаси 2028 йилнинг ёзигача мўлжалланган.
