«Ювентус» бразилиялик яримҳимоячи Дуглас Луис билан ҳамкорликни узайтиришга қарор қилди. Бу ҳақда инсайдер Николо Скира ижтимоий тармоқлардаги саҳифасида маълум қилди.
Манбага кўра, туринликлар футболчининг вакиллари билан музокараларга киришган. Дуглас Луис «Ювентус» сафига 2024 йил ёзида Англиянинг «Астон Вилла» клубидан келиб қўшилганди.
Бразилиялик футболчининг «Ювентус» билан амалдаги шартномаси 2029 йил июн ойи охиригача мўлжалланган. У ушбу мавсумда жамоа сафида барча турнирларда 6 та баҳсда майдонга тушди, бироқ самарали ҳаракатлари билан ажралиб турмади.
Эслатиб ўтамиз, «Ювентус» Италия чемпионатининг дастлабки 5 туридан сўнг 10 очко жамғарган ва турнир жадвалида 7-ўринда бормоқда.
