Месси, Ямал, Мбаппе ё Кейн? Фигу «Олтин тўп»ни ким ютиши кераклиги борасида танлов қилди

«Барселона» ва «Реал»нинг собиқ яримҳимоячиси Луиш Фигу «Олтин тўп»ни қайси футболчига берган бўлардингиз?», деган танловда саволларга жавоб берди.

— Лионел Месси ёки Усмон Дембеле — ким «Олтин тўп»га яқинроқ?

— Месси.

— Ҳарри Кейн ёки Эрлинг Ҳоланд?

— Кейн.

— Родри ёки Ламин Ямал?

— Ламин.

— Килиан Мбаппе ёки Хвича Кварацхелия?

— Мбаппе.

— Демак, яримфиналлар. Месси Кейнга қарши.

— Месси.

— Ямал ёки Мбаппе?

— Жуда қийин танлов, иккаласи ҳам бунга муносиб. Балки Ламинни танлардим.

— Демак, бир томонда — Месси, иккинчи томонда — Ламин. Охир-оқибат ким фаворит?

— Келинг, Ламинга бера қолайлик, чунки Мессида бу соврин жуда кўп, — деди Португалия миллий жамоасининг собиқ сардори.