«Барселона» вингери Ламин Ямал Испания миллий жамоасидаги ҳамкасби Педро Порро билан бирга ўйнашни истамоқда.
Қайд этилишича, 18 ёшли футболчи қанот ҳимоячиси билан миллий жамоада бир-бирини яхши тушунишади. Шу сабаб «Барселона»да ҳам биргаликда ўйнаш истагини билдирмоқда.
«Порро Ямалга керак бўлган ўйин услубига идеал мос келади. У доимий равишда ҳужумларга қўшила оладиган, фаол ҳаракат қиладиган ва қанотда кенглик яратадиган футболчи», — дейилади El Nacional хабарида.
Қайд этилишича, испаниялик 27 ёшли футболчи қишки трансфер вақтида «Тоттенҳэм»ни тарк этиши мумкин. Унинг бозор қиймати 70 миллион еврони ташкил этмоқда. Педронинг «тақачилар» билан амалдаги битими 2031 йилнинг ёзига қадар мўлжалланган.
Аввалроқ «Барселона» марказий ҳимояни кучайтириш учун уч нафар футболчини кузатаётгани хабар қилинганди.
