Аргентина миллий жамоаси ва Англиянинг «Ливерпул» клуби яримҳимоячиси Алексис Мак Аллистер 2026/2027-йилги мавсум якунлангач, клубини ўзгартириши мумкин. Бу ҳақда инсайдер Экрем Конур хабар берди.
Журналист ўз ижтимоий тармоқлари орқали ёзишига кўра, аргентиналик яримҳимоячи хизматларига Мадриднинг «Реал» клуби қизиқиш билдирмоқда. «Қаймоқранглилар» кейинги йил ёзда футболчини ўз сафига қўшиб олишга уриниб кўрмоқчи. Эҳтимолий трансфер нархи 80 миллион еврога баҳоланмоқда.
«Ливерпул» ҳозирча Алексисга янги шартнома таклиф қилиш ҳақида ўйламаяпти. Аргентиналикнинг АПЛ гранди билан амалдаги битими 2028 йилгача мўлжалланган.
Маълумот учун, АПЛ янги мавсумида Мак Аллистер 5 та ўйинда майдонга тушиб, 1 та сариқ карточкага лойиқ кўрилди.
«Ливерпул» 5-турдан кейин 9 очко билан мусобақа жадвалининг 6-поғонасидан ўрин эгаллаган.
Мухлислар бу янгиликни Telegram’да муҳокама қилмоқда
Изоҳлар Telegram’да очилади