Испания миллий жамоаси ва Каталониянинг «Барселона» клуби яримҳимоячиси Дани Олмо футболчилик фаолиятини якунламоқчи бўлган клуб қайси эканлиги ҳақида гапирди. Бу ҳақда Fichajes нашри хабар берди.
Манба маълумотларига кўра, испаниялик футболчи Загребнинг «Динамо» жамоасига қайтишни хоҳлайди. Олмо ўз фаолиятининг бошида Хорватия жамоаси шарафини ҳимоя қилган.
28 ёшли футболчи 2024 йилнинг ёзидан буён «кўк-анорранглилар» сафида тўп тепмоқда. Томонлар ўртасидаги амалдаги шартнома муддати 2030 йилнинг июн ойи охирида якунига етади. Олмонинг актуал трансфер нархи 60 миллион еврога баҳоланмоқда.
Эслатиб ўтамиз, Дани Олмо Испания чемпионатининг янги мавсумида еттита ўйинда майдонга тушиб, учта голли узатмани амалга оширишга муваффақ бўлди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади