Бугун, 2 октябр куни қитъа биринчилигининг бокс беллашувларида яна бир қанча вазн тоифаларида медаллар ўз эгаларини топди.
Қувонарли жиҳати, бокс бўйича Ўзбекистон миллий жамоаси аъзоси Абдумалик Халоков 60 кг.гача бўлган вазн тоифасида иккинчи бор Осиё ўйинлари чемпионлигини қўлга киритди.
Юртдошимиз чемпионлик баҳсида жанубий кореялик Донгхван Канг билан рингга кўтарилди. Илк дақиқалардан ўз устунлигини намойиш қилган Абдумалик ҳақли равишда якунда олтин медалга эга чиқди.
Эслатиб ўтамиз, аввалроқ велотрекчиларимиз бронза медалига сазовор бўлгани ҳақида хабар берган эдик.
Мухлислар бу янгиликни Telegram’да муҳокама қилмоқда
Изоҳлар Telegram’да очилади