«ПСЖ» ва Португалия миллий жамоаси чап қанот ҳимоячиси Нуну Мендеш Криштиану Роналду билан боғлиқ вазият ҳақида фикр билдирди.
Эслатиб ўтамиз, 41 ёшли ҳужумчи Миллатлар лигасида Данияга қарши ўйин олдидан ўз қарори билан можароли тарзда миллий жамоа қароргоҳини тарк этган эди.
— Роналдунинг миллий жамоага қайтишидан хурсанд бўлармидингиз?
— Криштиану ҳамон жамоа футболчиси. Аммо ҳозир биз кўпроқ ўз олдимизда турган вазифалар ва мураббийнинг ғояларини майдонда амалга оширишга эътибор қаратганмиз. Қолган масалаларни биз ҳал қилмаймиз. Бизга қўшилган ҳар бир футболчини мамнуният билан қабул қиламиз, — дея Мендешнинг сўзларидан келтиради Al Nassr Zone нашри.
Аввалроқ матбуотда Роналду миллий жамоадаги фаолиятини якунлаши ҳақида хабарлар тарқалганди. Бироқ футболчи бу ҳақда ҳали расман эълон қилганича йўқ.
