«Челси» ва «Арсенал» жамоалари «Фрайбург» ҳужумчиси Игор Матановичга қизиқиш билдирмоқда. Бу ҳақда Caught Offside хабар берди.
Манба маълумотига кўра, Германия клуби 23 ёшли ҳужумчининг трансфер қийматини 59 миллион евро деб баҳоламоқда. Бу эса унинг жамоадан кетишига тўсқинлик қилмайди.
Шунингдек, «Манчестер Юнайтед» хорватиялик форвардга қизиқаётганди. Эндиликда Лондоннинг икки жамоаси даъвогарга айланди.
Таъкидланишича, «Арсенал» Матановични Кай Хаверцга муқобил вариант сифатида кўрмоқда, чунки икки футболчининг кўплаб ўхшаш жиҳатлари бор.
Матанович бу мавсумда барча турнирларда 7 та учрашувда иштирок этиб, 6 та гол урди ва 2 та голли узатмани амалга оширди. Transfermarkt портали маълумотига кўра, футболчининг бозор қиймати 30 миллион еврони ташкил этади.
