«Манчестер Сити» ҳужумчиси Эрлинг Ҳоланд фаолиятини «Арсенал»да давом эттириши мумкин. Бу ҳақда TEAMtalk хабар берди.
Маълум қилинишича, «Арсенал» 2027 йилда имконият пайдо бўлса, Ҳоландни сотиб олиш учун курашга қўшилишга тайёр. Лондон клубининг молиявий имкониятлари ҳужумчи учун жуда катта таклиф билан чиқишга етарли экани қайд этилган.
Шу билан бирга, 26 ёшли футболчининг ўзи ҳам бу мавсум якунланганидан кейин «Манчестер Сити»ни тарк этиш вариантини кўриб чиқишга тайёр. Бу қарор «шаҳарликлар»нинг молиявий муаммоларига боғлиқ эмаслиги таъкидланмоқда.
Бироқ Ҳоланд учун асосий йўналиш Испания чемпионати бўлиб турибди. Ҳужумчи ҳозирда «Реал» ва «Барселона» вариантларини кўриб чиқмоқда. Айни пайтда каталонияликлар унинг трансфери учун асосий даъвогар ҳисобланади.
Маълумот ўрнида, Ҳоланд ушбу мавсум барча мусобақаларда 7 та учрашув ўтказиб, 7 та гол урди. Аввалроқ «Барселона» Ҳоланд учун катта таклиф тайёрлаётгани маълум қилинганди.
