«Манчестер Сити» дарвозабони Жанлуижи Доннарумма «Олтин тўп» учун асосий даъвогар сифатида «ПСЖ» вингери Усмон Дембеле танлашини айтди.
Эслатиб ўтамиз, ғолиб 26 октябр куни Лондонда аниқланиб, унга соврин топширилади. Дембеле эса амалдаги мукофот соҳиби ҳисобланади.
«Олтин тўп» масаласига келсак, менинг ўз фаворитим бор — бу Дембеле», — дея Доннарумманинг сўзларидан келтиради L'Équipe нашри.
Маълумот учун, «Олтин тўп» cоврини учун жами 30 нафар футболчи даъвогарлик қилмоқда. Уларнинг 10 нафари «ПСЖ» футболчилари ҳисобланади.
Дембеледан ташқари, парижликлар сафидан номзодлар рўйхатига Ашраф Ҳакими, Маркинос, Нуну Мендеш, Вилям Пачо, Фабиан Руис, Жоау Невеш, Витиня, Ферран Торрес ва Хвича Кварацхелия ҳам киритилган.
