«Ливерпул» яримҳимоячи Алексис Макаллистерга янги шартнома таклиф қилмайди. Бу ҳақда Bernabeu Digital хабар берди.
Маълумот учун, аргентиналик 27 ёшли футболчининг амалдаги шартномаси 2028 йил июнигача мўлжалланган.
Манба маълумотига кўра, футболчи мавсум охирида клубни тарк этади. Аввалроқ Алексис мерсисайдликлар янги шартнома таклиф қилмаганидан норози бўлгани ва вазиятга қараб жамоани тарк этиши мумкинлиги хабар қилинганди.
Макаллистер атрофидаги вазиятни «Реал» диққат билан кузатмоқда. Мадрид клуби яқин вақт ичида футболчини сотиб олишга уриниб кўриши мумкин. Шунингдек, унга «Манчестер Сити» ҳам қизиқиш билдирмоқда.
Агар «Ливерпул» Алекс билан келишувни узайтирмаса ва уни жамоани тарк этадиган бўлса, клуб унинг ўрнига «Борнмут»дан Алекс Скотт ёки «Монако» футболчиси Ламин Камара номзодларини кўриб чиқиши мумкин.
