«Тоттенҳэм» яримҳимоячи Деян Кулусевскининг шартномасини узайтиришни режалаштирмоқда. Бу ҳақда Football Insider хабар берди.
Манбага кўра, Лондон клуби футболчи жароҳатидан тўлиқ тикланиб, аввалги спорт формасини қайтара олса, у билан ҳамкорликни давом эттириш масаласини муҳокама қилишга тайёр. Кулусевскининг «Тоттенҳэм» билан амалдаги шартномаси 2028 йил ёзигача мўлжалланган.
Швециялик яримҳимоячи тизза жароҳати сабаб 2025 йил май ойидан буён «Тоттенҳэм» сафида баҳсларда иштирок этмаяпти. Бироқ футболчи айни пайтда умумий гуруҳ билан машғулотларга қайтган.
Кулусевски «Тоттенҳэм»га 2022 йил январида «Ювентус»дан ижара асосида кўчиб ўтганди. 2023 йил июлида эса Лондон клуби футболчининг трансферини тўлиқ расмийлаштириб, у билан доимий шартнома имзолаган.
Маълумот учун, Кулусевски «Тоттенҳэм» сафида барча мусобақаларда 100 дан ортиқ баҳсда майдонга тушган. Верлетдан олдин у жамоанинг асосий таркибидаги муҳим футболчилардан бири эди.
