«Ливерпул» «Тоттенҳэм» ҳимоячиси Микки Ван де Веннинг трансферига жиддий қизиқиш билдирмоқда. Бу ҳақда Caught Offsidе хабар бермоқда.
Манбага кўра, мерсисайдликлар 25 ёшли нидерландиялик футболчини 35 ёшли Виржил Ван Дейкнинг эҳтимолий ўрнини босувчи футболчи сифатида кўрмоқда. «Манчестер Юнайтед» ҳам ҳимоячининг вазиятини кузатмоқда, бироқ унинг трансферига қизиқиши «Ливерпул»никига қараганда пастроқ.
Ван де Веннинг «Тоттенҳэм» билан амалдаги шартномаси 2031 йил ёзигача мўлжалланган. Ҳимоячининг келишувига товон пули банди киритилмаган. Шу сабабли Лондон клуби футболчи учун 80-90 миллион фунт, яъни тахминан 93-104 миллион евро талаб қилиши мумкин.
Нидерландиялик ҳимоячи ушбу мавсум барча турнирларда бешта баҳсда майдонга тушди.
Маълумот учун, Тransfermarkt портали Ван де Веннинг бозор қийматини 50 миллион еврога баҳоламоқда.
