Португалия миллий жамоаси бош мураббийи Жорже Жезуш Миллатлар Лигаси гуруҳ босқич 2-тур доирасидаши Норвегияга қарши учрашувда Криштиану Роналдуни асосий таркибга киритмагани сабабини айтди.
«Криштиану асосий таркибда майдонга тушадими ёки йўқми, барибир жамоанинг муҳим футболчиси.
Бугун у илк дақиқалардан ўйнамайди, ёнимда бўлади ва кейинроқ майдонга тушади. Мен ҳаммасини режалаштирганман. Биз уни ҳам, аввалги ўйинда қатнашган бошқа футболчиларни ҳам асрашимиз керак.
Бугун асосий таркибда 4 та ўзгариш қилдим ва бу фақат Роналду билан боғлиқ эмас. Агар футболчиларда чарчоқ аломатлари бўлса ёки улар Уэлсга қарши учрашувдан кейин тўлиқ тикланмаган бўлса, асосий таркибда майдонга туширмаймиз», — деди Жезуш ESPN’га берган интервюсида.
Маълумот ўрнида, Норвегия — Португалия баҳси Ослодаги «Уллевол» стадионида ўтказилади. Учрашувни франциялик ҳакам Франсуа Летексие бошқаради.
Мухлислар бу янгиликни Telegram’да муҳокама қилмоқда
Изоҳлар Telegram’да очилади