Норвегия миллий жамоасида «Манчестер Сити» иши бўйича чиқарилган қарор фонида Эрлинг Ҳоланднинг матбуот анжуманида иштирок этиши борасидаги режалар ўзгартирилди.
25 сентябр куни «шаҳарликлар» АПЛнинг молиявий қоидаларини бузиш билан боғлиқ деярли барча айбловлар бўйича айбдор деб топилгани маълум бўлди — фақат биттаси бундан мустасно.
Эслатиб ўтамиз, 2023 йил феврал ойида АПЛ «Манчестер Сити»ни 2009 йилдан 2018 йилгача бўлган даврда молиявий қоидаларни 115 марта бузганликда айблаганди. Кейинчалик The Times газетаси гап 115 та эмас, балки 130 та қоидабузарлик ҳақида бораётганини хабар қилди: Премер-лига айбловларни эълон қилган пайтда айрим қоидалар бўйича тушунмовчилик юзага келган.
Аввалроқ Норвегия Футбол Ассоциацияси (NFF) матбуот котиби Мортен Скенсберг Эрлинг Ҳоланд ва миллий жамоа бош мураббийи Столе Солбаккен шанба куни Миллатлар лигасида Португалияга қарши ўйин олдидан матбуот анжумани ўтказишини маълум қилганди.
Бироқ кейинроқ NFF матбуот хизмати режалар ўзгарганини маълум қилди: Ҳоланд ўрнига журналистлар билан Андреас Скеллеруп ва Фредрик Эурснес мулоқот қилади.
«Сити»га қўйилган айбловлар фонида Ҳоланд Норвегиядаги матбуот анжуманида қатнашмайдиган бўлди
Футбол
26 сентябр, 04:38
9
Миллий жамоа матбуот хизмати ҳужумчининг ўрнига бошқа футболчи анжуманда қатнашишини маълум қилди.
Foto: Getty Images
Мухлислар бу янгиликни Telegram’да муҳокама қилмоқда
Изоҳлар Telegram’да очилади