«Ливерпул» ҳимоячиси Виржил ван Дейк келаси ёзда «Барселона» сафига ўтишга қизиқиш билдирмоқда. Бу ҳақда The Independent хабар берди.
Нидерландиялик футболчи Каталония клубида ўйнаб кўришни истамоқда ва келаси ёзда ўз хизматларини «Барселона»га таклиф қилишга тайёр.
«Ван Дейк «Барселона» кийиниш хонасига етакчилик хусусиятлари ва катта обрў олиб кирган бўларди. Ёшига қарамай, у ҳамон юқори савияда ўйнамоқда.
Бундан ташқари, унинг трансфери учун умуман пул тўлаш талаб қилинмайди, бу эса ушбу вариантни янада ишонарли қилади», — дейилади хабарда.
Бироқ «Барселона» бош мураббийи Ҳанс-Дитер Флик ушбу трансфер вариантига унчалик ижобий муносабатда эмаслиги қайд этилган. Мутахассис тажрибали ҳимоячини жамоага қўшиб олиш ғоясини тўлиқ қўллаб-қувватламаяпти.
Маълумот ўрнида, келаси ёзда Виржил 36 ёшга тўлади. Агар у «Ливерпул» билан янги шартнома имзоламаса, «Барселона»га эркин агент сифатида ўтиши мумкин.
Аввалроқ Ван Дейк ушбу мавсум якунланганидан сўнг «Ливерпул»ни тарк этиши мумкинлиги маълум қилинганди.
