«Реал»нинг собиқ футболчиси Марселодан Килиан Мбаппе, Месут Ўзил ва Лионел Мессидан иборат учликни шартли равишда саралаш сўралди. У футболчилардан бирини асосий таркибга киритиши, иккинчисини захирада қолдириши ва учинчисини қайдномага киритмаслиги керак эди.
Марсело асосий таркиб учун Месут Ўзилни танлади. «Реал»да ўйнаётган Килиан Мбаппени эса захирада қолдирди. Лионел Месси эса бразилиялик футболчи томонидан қайдномадан ташқарида қолдирилди.
Бу ҳақда Тhe Touchlinе хабар берди. Шу тариқа Марсело ўзининг «Реал» билан боғлиқ бўлган икки футболчини танлади.
Маълумот учун, Марсело аввалроқ Лионел Месси ва Криштиану Роналду ўртасидаги танловда португалиялик футболчини танлаган эди.
