«Ливерпул» марказий ҳужумчиси Александр Исак Швеция миллий жамоаси ихтиёрида жароҳат олди. Бу ҳақда инглиз клуби матбуот хизмати маълум қилди.
27 ёшли футболчи жароҳати сабаб «Ливерпул» ихтиёрига қайтади. Шу сабабли у Швеция миллий жамоасининг Миллатлар лигаси гуруҳ босқичидаги навбатдаги учта баҳсида иштирок эта олмайди.
«Ливерпул» маълумотига кўра, Исакнинг жароҳати жиддий эмас. Яқин вақт ичида футболчининг ҳолати клуб шифокорлари томонидан қўшимча текширувдан ўтказилади.
Эслатиб ўтамиз, Исак ушбу мавсум Англия Премер-лигасида «Ливерпул» сафида бешта баҳсда майдонга тушди. Швециялик ҳужумчи ушбу ўйинларда тўртта гол уришга муваффақ бўлди.
Telegram’да биринчи бўлиб фикр билдиринг
Муҳокамага ўтишИзоҳлар Telegram’да очилади