«ПСЖ» вингери Хвича Кварацхелия Грузия миллий жамоасини тарк этган Вилли Санёлга мурожаат қилди.
«Вилли, раҳмат! Биз биргаликда кўп нарсаларни бошдан кечирдик ва кўплаб қийинчиликларни енгиб ўтдик. Мен жамоадошларим билан бирга болаликдаги орзумизни амалга ошириб, мамлакатимизни Европа чемпионатига олиб чиқдик. Биз бунга биргаликда эришдик ва тарихнинг бир қисмига айландик.
Грузия халқи билан бирга баҳам кўрган қувонч ва ҳис-туйғуларимиз мен учун умрбод алоҳида хотира бўлиб қолади. Биргаликда ўтказган ушбу давр ва йиллар учун алоҳида миннатдорчилигимни билдирмоқчиман. Биз бу футбол саргузаштини ҳеч қачон унутмаймиз.
Келажакдаги фаолиятингда муваффақият тилайман... Биз ҳали яна учрашамиз», — деб ёзди Кварацхелия ижтимоий тармоқдаги саҳифасида.
