«Ан Наср» яримҳимоячиси Жоау Феликс Криштиану Роналду билан бир клуб ва Португалия миллий жамоасида бирга ўйнаш ҳақида гапирди. Футболчининг таъкидлашича, Роналду билан бирга майдонга тушиш катта фахр.
«Криштиану Роналду билан ўйнаш — футболда камчиликка насиб қиладиган имконият. Мен у билан бу ерда, миллий жамоада, энди эса «Ан Наср»да бирга ўйнаётганимдан жуда фахрланаман.
Биз Криштиануни кумиримиз ва ўрнак сифатида кузатиб улғайдик. Энди эса у билан бундай лаҳзаларни баҳам кўриш имконига эгаман. Буни имкон қадар кўпроқ қадрлаш керак, чунки бу абадий давом этмаслигини биламиз», — деди Феликс.
Маълумот учун, ҳозирда Роналду ҳисобида 979 та гол бор: у клублар миқёсида 833 та, Португалия миллий жамоаси сафида эса 146 та гол урган.
Феликс португалиялик ҳужумчининг 1000-голига ассист бериш ҳақида ҳам ўйлаётганини айтди.
«Унга битта гол етишмай қолганида, тўп менда бўлган ҳар сафар унга қараб, пас беришим мумкинми, деб ўйлайман. Бу гол футбол тарихига киради ва шундай лаҳзада унинг ёнида бўлиш ажойиб бўларди», — дея қўшимча қилди Феликс.
Мухлислар бу янгиликни Telegram’да муҳокама қилмоқда
Изоҳлар Telegram’да очилади