Мадриднинг «Реал» клуби «Ливерпул» яримҳимоячиси Алексис Мак Аллистернинг шартномаси борасидаги вазиятни кузатмоқда. Бу ҳақда Football Insider хабар бермоқда.
Манбага кўра, агар «Ливерпул» аргентиналик футболчи билан янги шартнома бўйича музокараларда сезиларли силжишга эриша олмаса, «Реал» унинг трансфери масаласини яна кўриб чиқиши мумкин. Мадрид клуби Мак Аллистерга қизиқиш билдираётган жамоалар қаторида.
Футболчининг «Ливерпул» билан амалдаги шартномаси 2028 йил июнигача мўлжалланган. Шу сабабли мерсисайдликлар келишув шартларини зудлик билан қайта кўриб чиқиш заруратини сезмаяпти.
Мак Аллистер ушбу мавсумда «Ливерпул» сафида барча турнирларда еттита баҳсда майдонга тушиб, иккита гол урди ва битта голли узатмани амалга оширди.
Маълумот учун, Тransfermarkt портали 27 ёшли яримҳимоячининг бозор қийматини 70 миллион еврога баҳоламоқда.
