Ҳозирда эркин агент мақомида бўлган Деле Алли собиқ жамоадошларига қўнғироқ қилди. 30 ёшли англиялик футболчи Ҳарри Кейн билан суҳбатда «Олтин тўп» соврини айнан унга топширилиши кераклигини айтди.
«Ҳозир Twitch'да стрим қиляпман. Томошабинлардан кимга қўнғироқ қилишимни сўрадим ва сен ҳақингда энг кўп ёзишди.
Улар «Олтин тўп» ҳақида ёзишяпти. Мен эса уларга соврин фақат бир кишига — бошқа ҳеч кимга эмас, айнан унга топширилиши кераклигини айтяпман.
Ўзим эса ҳозирча Лондонда юрибман. Бир қанча режаларим бор, аммо стримдан ташқарида айтиб бераман. Ҳар доимгидек қаттиқ ишлаяпман ва бундан завқ оляпман», — деди Деле Ҳарри билан ўзаро суҳбатида.
Бунгача «Тоттенҳэм», «Эвертон», «Бешиктош» ва «Комо» клубларида тўп тепган Алли ўтган йил сентябр ойидан буён жамоасиз қолмоқда. У стрим давомида Жек Грилиш, Риёд Маҳрез, Эшли Коул ва Жеймс Мэддисон билан ҳам суҳбатлашди.
Қайд этиш лозим, «Олтин тўп» совринини топшириш маросими 26 октябр куни Лондонда бўлиб ўтади.
