«Реал» «Негрейра иши» доирасида «Барселона» ҳакамлик жараёнига таъсир кўрсатган, деган қарашда каталониялик клуб жазоланишини талаб қилмоқда. Мадрид клуби яқинда ушбу ишга оид ҳужжатларни УEФАга юборган ва бу ҳақда расман маълум қилган.
The Touchline нашри Маrcа манбасига таяниб хабар беришича, «Реал» президенти Флорентино Перес «Негрейра иши»дан «Барселона»дан қасос олиш учун фойдаланмоқда. Бунга клубларнинг Суперлига лойиҳасини қўллаб-қувватлаш борасидаги иттифоқи бузилгани сабаб бўлгани айтилмоқда.
«Барселона»нинг Хосе Мария Негрейрага қилган тўловлари билан боғлиқ можаро бошланган пайтда Перес каталониялик клубни қўллаб-қувватлаган. Бироқ ҳозир «Реал» президентининг позицияси тубдан ўзгарган.
«Барселона» ва «Реал» Суперлига лойиҳасини қўллаб-қувватлаган сўнгги клублар бўлган. Каталонияликлар маълум вақтдан кейин ушбу лойиҳадан воз кечган бўлса, Мадрид клуби уни энг сўнгги бўлиб тарк этган.
Эслатиб ўтамиз, «Реал» 1 октабр куни «Негрейра иши» бўйича ҳужжатларни УEФАга топширганини расман тасдиқлаган.
Маълумот учун, УEФА ҳозирча ушбу иш бўйича якуний қарорини эълон қилмаган.
