«Реал» келгуси ёзда таркибини кучайтириш режаларини тузмоқда. Corriere dello Sport нашрининг хабар беришича, мадридликлар «Ювентус» футболчиси Кенан Йилдизни ўз сафига қўшиб олишга уриниб кўради.
«Зебралар» 21 ёшли Йилдизни 100 миллион еврога баҳоламоқда. Шунингдек, туркиялик футболчига «Арсенал» ва «Бавария» каби Европанинг топ клублари ҳам қизиқиш билдирмоқда.
Қайд этиш лозим, жароҳати сабаб Кенан ушбу мавсумда фақат битта учрашувда майдонга тушди. Футболчи ёз охирида суяк синиши сабаб жарроҳлик амалиётини бошдан кечирган.
Маълумот ўрнида, Йилдиз «Ювентус» сафида 132 та учрашувда майдонга тушиб, 27 гол урган ва 21 ассист амалга оширган. Унинг туринликлар билан амалдаги шартномаси 2030 йилнинг ёзигача мўлжалланган.
Аввалроқ Кенаннинг кутилганидан кўпроқ муддатга сафдан чиққани маълум қилинганди.
