Мадриднинг «Реал» клуби яримҳимоячи Жуд Беллингҳэм билан янги шартнома бўйича музокараларда ижобий натижага эришди. «Қироллик клуби» келишувни йил охиригача якунлашни режалаштирмоқда. Бу ҳақда ТEАМtalk хабар берди.
Манбага кўра, «Реал» 23 ёшли футболчи билан амалдаги шартномани яна икки йилга узайтириб, унинг муддатини 2031 йилгача етказмоқчи. Шунингдек, клуб яримҳимоячининг маошини мавсумига 20 млн евродан 30 млн еврогача оширишга тайёр.
Янги келишув имзоланган тақдирда, англиялик яримҳимоячи «Реал» ҳужумчилари Килиан Мбаппе ва Винисиус Жуниор билан бир хил даражада маош олади. Мадрид клуби Беллингҳэм келажакда «Олтин тўп»ни қўлга киритиши мумкин, деб ҳисобламоқда.
Англиялик футболчи «Реал» сафида 2023 йилнинг ёзидан бери ўйнамоқда. Ушбу мавсумда у барча турнирларда саккизта баҳсда майдонга тушиб, учта гол ва учта голли узатмага муаллифлик қилди.
Маълумот учун, Беллингҳэмнинг «Реал» билан амалдаги шартномаси 2029 йилгача мўлжалланган. Тransfermarkt портали футболчининг бозор қийматини 160 млн еврога баҳоламоқда.
Эслатиб ўтамиз, футболчи 2023 йилда Дортмунднинг «Боруссия» клубидан «Реал»га ўтган.
