«Барселона» бир нечта футболчисини жамоада узоқ муддат сақлаб қолиш устида иш олиб бормоқда. Инсайдер Фабрицио Романонинг ижтимоий тармоқлардаги маълумотига кўра, клуб уч футболчи билан янги шартнома имзолашни режалаштирмоқда.
Гап ҳимоячи Хави Эспарте, яримҳимоячи Марк Бернал ва вингер Рафиня Диас ҳақида кетмоқда. Манбага кўра, ушбу футболчиларнинг барчаси Каталония клуби билан янги шартнома имзолашга тайёр.
«Барселона» футболчиларнинг келажагини узоқ муддатга кафолатлашни истамоқда. Клуб раҳбарияти таркибдаги муҳим ижрочиларни сақлаб қолиш орқали жамоанинг келгуси мавсумлардаги барқарорлигини таъминлашни мақсад қилган.
«Барселона» ушбу мавсум Ла Лигада муваффақиятли старт олди. Ҳанс-Дитер Флик бошқарувидаги жамоа кетма-кет еттита ғалабага эришиб, ушбу баҳсларда 31 та гол урди.
Эслатиб ўтамиз, Марк Берналга «Ливерпул» ва «Атлетико» ҳам қизиқиш билдирмоқда.
Маълумот учун, Рафиня 2022 йилдан буён «Барселона» сафида тўп тепмоқда.
